झीगु सः’या निगूगु संस्करण

येँ(नेपालभाषा टाइम्स)- एबीसी टेलिभिजनय् न्ह्यानाच्वंगु नेपालभाषाया ज्याझ्वः ‘झीगु सः’या निगूगु संस्करण (सिजन टू) शुरु जूगु दु । थ्व लसताय् आइतवाः छगू ज्याझ्वः जुल । निर्माता निर्देशक विजयरत्न असंबरेया सभापतित्वय् जूगुु ज्याझ्वलय् कार्यकारी निर्माता राजु राजदेव वज्राचार्यं लसकुस यानादीगु खः ।

स्वीदँ न्ह्यः टेलिभिजनय् नेपालभाषाया ज्याझ्वः न्ह्याकागु व थ्व झ्वलय् थौंतकया दुने थीथी टेलिभिजनय् ज्याझ्वः न्ह्याकाः लिपांगु इलय् एबीसी टेलिभिजनय् न्ह्याकागु ‘झीगु सः’ ज्याझ्वः निगूगु संस्करणया रुपय् न्ह्याका भाषा, कला, संस्कृति, साहित्य, संगीत व संकिपा ख्यःयात न्ह्यब्वयेगुु निर्माता निर्देशक असंबरें कनादिल ।

ज्याझ्वलय् नांजाःम्ह कलाकार नारायणदेवी प्रधान, संचारकःमिलिसें नांजाःम्ह कलाकार, निर्देशक रामकृष्ण खड्गी, संचारकःमि नविन जोशी, कलाकार रुपेन्द्र श्रेष्ठ व समाजसेवी अशोक श्रेष्ठं संचार माध्यमय् थुकथं नेपालभाषाया ज्याझ्वलं थाय् कया यंकेफत धाःसा झीगु भाषा, कला, संस्कृति संरक्षण जुइगु विचाः तयादीगु खः ।

सम्बन्धित बुखँ

LEAVE YOUR COMMENTS