सँदेय्या लिसः अंग्रेजी अनुवाद पिदन

येँ च्वमि नापं विद्वान धर्मरत्न यमिं नेपालभाषां च्वयादीगु ‘सँदेय्या लिसः’ सफू अंग्रेजीं अनुवाद यानाः पिथंगु दु । पुलांम्ह मन्त्री तकं जुयादीम्ह च्वमि यमिं नेपालभाषां च्वयादीगु सफू ‘रिप्लाई फ्रम तिब्बेत’या नामं पिदंगु खः । धर्महिरा मेमोरियल एकेदमिया ग्वसालय् आः नकतिनि जूगु छगू ज्याझ्वःया दथुइ अंग्रेजी अनुवाद सफू डा. केशवमान शाक्य, सुप्रिया मानन्धर, अभि सुवेदी व एकेदमिया नायः तिमिला यमिं मंकाःकथं पितब्वज्या याःगु खः । एकेदमिया नायः यमिया सभापतित्वय् जूगु ज्याझ्वलय् नयाँ शक्ति पार्टीया नायः नापं पुलांम्ह प्रधानमन्त्री डा. बाबुराम भट्टराई, संस्कृतिविद् वाङमय शताब्दी पुरुष सत्यमोहन जोशी, डा. केशवमान शाक्य, सुप्रिया मानन्धर, अभि सुवेदीपिंसं पितब्वज्या जूगु सफूयात कयाः थःगु नुगःखँ प्वंकादीगु खः ।