ललिता निवास काण्डय् हानं निम्हेसित ज्वन

येँ (नेपालभाषा टाइम्स)- बालुवाटारस्थित ललिता निवासया जग्गा हिनामिना प्रकरणय् अनुसन्धान यायेत प्रहरीं थप निम्हेसित म्हिगः ज्वंगु दु । केन्द्रीय अनुसन्धान ब्युरों समरजंग कम्पनीया पुलांम्ह अधिकृत रमेशकुमार पोखरेल व नक्कली मोही देवनारायण महर्जनयात येँय् ज्वंगु खः ।

सीआईबीं आइतवाः नं ललिता निवास जग्गा प्रकरणय् अनुसन्धानया नितिं स्वम्हेसित ज्वंगु खःसा थ्व स्वयां न्ह्यः न्हय्म्हेसित ज्वंगु खः । थुगु प्रकरणय् गुम्ह अभियुक्त सीबीआईया हिरासतय् दुसा स्वम्हेसित त्वःतेधुंकूगु दु ।

ललिता निवासया सरकारी जग्गा व्यक्तिया नामय् यंकेगु अनिमियतताय् सरकारी भ्वं किर्ते याःगु द्वपनय् सीआईबीं अनुसन्धान न्ह्याकाच्वंगु दु ।