उद्घोषण तालिम क्वचाल

यल(नेपालभाषा टाइम्स)- श्रीवच्छ महाविहार सुधार समितिया ग्वसालय् जूगु झिन्हुयंकंया वक्तृत्व कला व उद्घोषण तालिम क्वचाःगु दु । यल महानगरपालिका २० वडाया ग्वाहालिइ विहारया आजु निवासय उगु तालिम जूगु खः ।

यल महानगरपालिका २० वडाअध्यक्ष चन्द्रलाल महर्जनं प्रशिक्षार्थीतय्त दसिपौ लःल्हानादिसें वडा ज्याकुथिं वडावासीया निंतिं सीपमूकल, रोजगारीमूलक, ज्ञान, कला, सीपलिसें व्यक्तित्व विकास व क्षमता अभिवृद्धिया निंतिं नं ज्याझ्वःत संचालन यानाच्वनागु जानकारी बियादिल ।

विहार सुधार समितिया नायः राजु शाक्यया सभापतित्व् जूगु तालिम समापन ज्याझ्वलय् वडा सदस्यपिं शैलेन्द्र शाक्य, अमर डंगोल, गीता महर्जन, प्रशिक्षक सुरजवीर वज्राचार्य, झी बहुउद्देश्यीय सहकारीया अध्यक्ष बुद्धिरत्न शाक्य, ज्येष्ठ नागरिक सेवा केन्द्रया संयोजक युवराज शाक्यं नं थःथःगु नुगःख तयादीगु खः ।

ज्याझ्वलय् प्रशिक्षार्थीपिं सुप्रिया शाक्य, ओमरत्न शाक्य, ज्ञानलक्ष्मी शाक्य, बसना शाक्य, मूर्तिबहादुर शमाक्य, केशवराज शाक्य, निश्चल शाक्य, शोभालक्ष्मी शाक्य लगायतं तालिमया अनुभवयात कयाः नुगःखँ तयादीगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल