बुंगद्यः बुंगय् लित यन

यल (नेपालभाषा टाइम्स)- थनया जावलाख्यलय् भोटो क्यनेगु जात्रा क्वचायेवं बुंगद्यःयात खतय् तयाः बुंगय् लित यंकूगु दु । जावलाख्यलय् जूगु भोटो जात्रा स्वयेत राष्ट्रपति रामचन्द्र पौडेल, प्रधानमन्त्री पुष्पकमल दाहाल लिसें थीथी मन्त्री व संवैधानिक निकायया पदाधिकारीत उपस्थित जूगु खः । भोटो जात्रा क्वचायेवं द्यःयात रथं क्वकयाः बुंगय् यंकूगु खःसा म्हिगः हे रथ नं पीगु शुरु याःगु खः । चाकबहाः द्यःया रथ धाःसा जावलाख्यलं सालाः चाकबहालय् तुं यंकूगु खः ।