केन्द्रं प्रदेशयात कमजोर दयेकातःगु दु – श्रेष्ठ

येँ (नेपालभाषा टाइम्स)÷ जसपाया नेता लिसें नेवाः न्ह्यलुवा राजेन्द्र श्रेष्ठं केन्द्रीय सरकारं हे प्रदेश सरकारयात कमजोर दयेकूगु खँ धयादीगु दु ।

जसपा नेवाः राष्ट्रिय समितिं म्हिगः येँय् याःगु तुच्चा ज्याझ्वलय् न्ववासें वय्कलं केन्द्र सरकारं जिल्ला तकं थःगु नियन्त्रणय् तयाः प्रदेश सरकारयात भूमिकाविहिन याःगु खँ कनादिल । वय्कलं धयादिल, ‘आःया परिस्थितिइ जनतां प्रदेशया आवश्यकता मदु धाइगु स्वाभाविक खः, छाय्धाःसां प्रदेशयात जनताया सेवा यायेगु अधिकार हे बियातःगु मदु ।’