बिस्काः हनेत थिमिइ प्यन्हु बिदा

येँ (नेपालभाषा टाइम्स)÷मध्यपुर थिमि नगरपालिकां बिस्काः जात्रा हनेगु नितिं म्हिगःनिसें वइगु वैशाख ३ गते तक सार्वजनिक बिदा बिउगु दु । थिमिइ न्यायेकीगु ऐतिहासिक सांस्कृतिक जात्रा तःजिक न्यायेकेगु निंतिं नगरपालिकां प्यन्हु तक सार्वजनिक बिदा बिउगु खः ।

नगरपालिकाया उपमेयर विजयकृष्ण श्रेष्ठया कथं बिस्काः जात्रा थिमिइ तःजिक न्यायेकीगु जूगुलिं सार्वजनिक विदा बीगु निर्णय जूगु खः । थिमिया बासिन्दाया नितिं तःजिगु नखः जूगुलिं बिदा बियागु खँ धासें वय्धलं धयादिल, ‘स्थानीय तहं बिदा मबिउगुलिं थनया जनतां बांलाक नखः न्यायेके खनाच्वंगु मदु । अथे जुयाः थुगु दँ निसें प्यन्हु तक बिदा बीगु निर्णय यानागु खः ।’

थ्वहे झ्वलय् म्हिगः बोडेय् च्वंगु महालक्ष्मी देगः न्ह्यःने यःसिं थंगु दु । मेयर सुरेन्द्र श्रेष्ठ, उपमेयर विजयकृष्ण श्रेष्ठ लिसे वडाया प्रतिनिधिपिनिगु उपस्थितिइ यःसिं थंगु खः ।