मालपोत खाली जूसा जुइबिउ

येँ – भूमि व्यवस्था सहकारी तथा गरिबी निवारण मन्त्री पद्मा अर्यालं भ्रष्ट कर्मचारीतय्त कारबाही यायेबलय् मालपोत व नापी कार्यालय खाली जुल धाःसा न्हूपिं कर्मचारी पदपूर्ति यायेगु खँ कनादीगु दु । छुं न्हि न्ह्यः अख्तियार दुरुपयोगु अनुसन्धान आयोगया प्रमुख आयुक्त नवीन घिमिरें भ्रष्ट कर्मचारीयात कारबाही यात धाःसा नापी व मालपोत कार्यालय खाली जुइ धयादीगु खः ।

उकिया लिसः बीकथं मन्त्री अर्यालं म्हिगः उगु खँ धयादीगु खः । वय्कलं न्ह्यःने धयादी, ‘संवैधानिक निकायं मालपोत व नापी कार्यालय छानविन यायेबलय् उगु कार्यालय जनशक्तिविहिन जुइगु अभिव्यक्ति वइगु संवेदनशील खः, यदि खाली जुल धाःसा निलाया दुने न्हूगु भर्ना चायेकाः दक्ष जनशक्ति हयेगु सामथ्र्य मन्त्रालययाके दु ।’