राष्ट्रपति चुनावय् ८८१ म्ह मतदाता

येँ (नेपालभाषा टाइम्स)- वइगु फागुन २५ गते जुइगु राष्ट्रपति निर्वाचनय् ८८१ म्ह मतदाता दइगु जूगु दु । निर्वाचन आयोगं तयार याःगु मतदाता धलखय् ८८१ म्ह मतदाताया नां दुथ्याः । आः प्रतिनिधिसभाया २७५, राष्ट्रियसभाया ५९ व प्रदेशसभाया ५५० म्हेस्यां राष्ट्रपति निर्वाचनय् भोट कुर्के खनी ।

तर थुगुसीया राष्ट्रपति निर्वाचनय् स्वम्ह सांसदया ल्याः म्हो जुइगु जूगु दु । निर्वाचन आयोगया प्रवक्ता शालिग्राम शर्मा पौडेलया कथं चितवन २ या सांसद रवि लामिछाने पदमुक्त जूगुलिं व मनाङया टेकबहादुर गुरुङ निलम्बनय् लाःगुलिं वय्कःपिंसं राष्ट्रपति निर्वाचनय् भोट कुर्के खनी मखु ।

उकथं हे ज्यान मुद्दाय् फरार जुयाच्वंम्ह एमालेया सांसद लक्ष्मी चौधरी कोइरीयात राष्ट्रपतिया निर्वाचन मतदान याकेगु वा मयाकेगु धइगु बारे आयोगं निर्णय याये फयाच्वंगु मदु ।

आयोगया कथं प्रतिनिधिसभा नियमावली २०७९ राष्ट्रपतिया निर्वाचन न्ह्यः हे पारित जुल धाःसा सांसद कोइरी मतदानय् ब्वति काये दइ मखु । न्हूगु नियमावलीकथं कैद भुक्तान यायेमाः धकाः अदालतं फैसला यानातःम्ह व फरार जुयाच्वम्ह सांसदं मतदान याये खनी मखु ।

सम्बन्धित बुखँ

LEAVE YOUR COMMENTS