सक्व मेलाय् ८५ लख तका द्यःयात छाःगु ध्यबा संकलन
येँ(नेपालभाषा टाइम्स)÷ माघ लछियंकं न्ह्याइगु सक्व मेलाय् आतकया दुने द्यःयात छाःगु ध्यबा ८५ गू लख तका संकलन जुइधुंकूगु दु । सक्वया शालीनदीइ न्ह्यानाच्वंगु श्री माधवनारायण मेलाया झ्वलय् बुधवाः तकया दुने ८४ गू लख न्हय्न्हय्द्वः तका ध्यबा मुंगु खँ धाःगु दु ।
वंगु पुस २२ गतेनिसें न्ह्याःगु थनया शालीनदी मेला वइगु आइतवाः क्वचायेत्यंगु दु । मेलाय् वःपिं भक्तजनतय्सं थीथी द्यःयाथाय् ध्यबा छानाथकूगु खः ।नगुने कोरोनाया कारणं मेला हे मयाःगु खःसा थगुने मेला जूसां भक्तजनत म्हो जक वःगुलिं ध्यबा नं म्हो हे जक मुंगु खः ।
थुगुसी धाःसा छगू करोड स्वयां अप्वः मुनीगु अपेक्षा यानागु श्री माधवनारायण स्वस्थानी व्रत तथा शालीनदी मेला सुधार समितिया अध्यक्ष बालकृष्ण श्रेष्ठं कनादीगु दु । समितिं थुगुसी मेला जःखः संचालन यानातःगु पसलं नं बाः म्हयेगु याना वयाच्वंगु दुसा मेलाय् आइतवाः तकया दुने स्वीगू लखं मल्याक वइगु अुनमान यानातःगु दु ।
LEAVE YOUR COMMENTS