सक्वय् सबस्टेशनया विरोध

येँ (नेपालभाषा टाइम्स) सक्वय् विद्युत सबस्टेशन दयेकेगु खँय् विवाद जुयाः प्रहरीं निम्हेसित ज्वंगु दु । सक्वया बोझनीया बासिन्दातय्सं थःथाय् तयेत्यंगु सबस्टेशनया विरोध याना वयाच्वंगु दु । १७० रोपनी जग्गाय् थ्व स्टेशन दयेकेत्यंगु खः ।

४५६ मेगावाट मत उत्पादन याइगु अपर तामाकोशीया मत स्वनिगः नापं देय्या मेमेगु थासय् यंकेत सक्वया बोझनीइ विद्युत प्रसारण आयोजनां सबस्टेसन दयेकेत २०० रोपनी जग्गा अधिग्रहण यायेधुंकूगु दु । थुगु सबस्टेशनं माथिल्लो तामाकोसी लिसें एमसीसीं दयेकेत्यंगु प्रसारण लाइन व ख्वपया खरिपाटीस्थत वितरण केन्द्रयात स्वाइ ।

थःपिंत आयोजनां पूवंक जानकारी मबिसे धम्की बियाः बस्ती हे मदयेकेत्यंगु धासें स्थानीय बासिन्दां वंगु निदँ न्ह्यवंनिसे सबस्टेसनया विरोध याना वयाच्वंगु दु । सबस्टेसन दयेकेगु झ्वलय् थ्व स्वयां न्ह्यः जर्सिङ पौवाय् नं विवाद जूगु खः ।