वैशाख ८ गते सम्पदा पदयात्रा

येँ – विश्व सम्पदाया धलखय् लाःगु हनुमानध्वाखा लाय्कूनिसें स्वयम्भू तक पदयात्रा जुइगु जूगु दु । अन्तर्राष्ट्रिय विश्व सम्पदा दिवसया सन्दर्भय् लाकाः उगु ‘सम्पदा पदयात्रा’ यायेत्यंगु दु । सम्पदा पदयात्राया मू ज्याझ्वः बैशाख ८ गते जुइगु खःसां व स्वयां छवाः न्ह्यः बैशाख २ गतेनिसें हे छवाःयंकं थीथी ज्याझ्वः यानाः विश्व सम्पदा दिवस हनेगु थन जूगु पत्रकार सम्मेलनय् जानकारी बिउगु दु ।