बालेन साहं प्रदेशसभाय् भोट मबिउ

येँ (नेपालभाषा टाइम्स)- येँ महानगरपालिकाया मेयर बालेन साहं प्रदेशसभाया मतदान बहिष्कार यानादीगु दु । वय्कलं म्हिगः मतदान यायेगु झ्वलय् प्रतिनिधिसभाया निगुलिं मतपत्रय् छाप तयाः कुर्कादीगु खः । तर प्रदेशसभापाखे धाःसा वय्कलं मतपत्र हे कयामदी । प्रदेशसभाया प्रत्यक्ष व समानुपातिक निगुलिं मतपत्र मकासे हे वय्कः पिहां

झाःगु खः । साहं म्हिगः येँ मनपा ९ वडाया गैरीगाउँस्थित अन्नपूर्ण मतदान केन्द्रपाखें मतदान यानादीगु खः । मेयर साहं संघीय प्रणालीप्रति हे असहमति क्यना वयाच्वंगु खःसा थःगु सहमति हे मदुगु प्रणालीयात भोट बी मखु धकाः हे वय्कलं मत मबिउगु खँ धाःगु दु । अथे हे राष्ट्रिय स्वतन्त्र पार्टीया अध्यक्ष रवि लामिछानें नं म्हिगः प्रदेशसभाया मतपत्र कयादीसां उकी गनं हे छाप मतसे खालीं कुर्कादीगु खः ।