सर्वोच्चय् अख्तियारया दबाब !

येँ (नेपालभाषा टाइम्स)- अख्ति यार दुरुपयोग अनुसन्धान आयोगं थः अनुकूल फैसला याकेगु निंतिं न्यायालययात दबाब बिल धकाः नेपाल बार एसोसिएसनं द्वपं बिउगु दु । बारं म्हिगः पत्रकार सम्मेलन यानाः अख्तियारं छुं न्हि न्ह्यः पत्रकार सम्मेलन यानाः न्यायालययात दबाब बीगु नियत सार्वजनिक याःगु खँ धाःगु दु ।

बारया म्हिगः च्वंगु पदाधिकारीया बैठक लिपा कार्यवाहक अध्यक्ष हर्कबहादुर रावलं विज्ञप्ति जारी यासें धयादीगु दु, ‘कार्तिक २२ गते अख्तियार दुरुपयोग अनुसन्धान आयोगं अदालतं जूगु खास यानाः विशेष अदालतं जुइगु न्याय निरुपणया विषयय् याःगु सार्वजनिक पत्रकार सम्मेलनपाखें अदा लतयात थःगु अनुकूल फैसला यायेत दबाब बीगु उद्देश्यं थःगु क्षेत्राधिकारया तकं चिउताः मतसे, अदालतय् न्यायिक विचलन, कानुनया गलत व्याख्या व असक्षमता धइगु, अर्थ व भावय् द्वपं बियाः न्यायिक स्वतन्त्रताय् आघात लाकेगु ज्या याःगु दु धयागु नेपाल बार एसोसिएसनया कार्यसमिति व उपत्यका बार एसोसिएसनया पदाधिकारीया कार्तिक २४ गते च्वंगु बैठकया निष्कर्ष दु ।’

भ्रष्टाचार नियन्त्रण् फुकसिया छगू हे मत दुसां नं संवैधानिक निकायं न्यायपालिकाया निष्पक्षता व सक्षम–ताय् हे शंका ब्वलने फइगु भाषा व शैलीया जुइ मजिउ धइगु बारया धापू दु । बारं अख्तियारया ध्यानाकर्षण यासें धाःगु दु, ‘राज्यया जिम्मेवार निकाय व पदाधिकारीतय्सं विधिया शासनया अक्षरशः पालना यायेत व अदालतया स्वतन्त्रताय् आँच वइ कथं थुकथं अभिव्यक्ति मबीत नेपाल बार एसोसिएसनं ध्यानाकर्षण यानाच्वना ।’

सम्बन्धित बुखँ

LEAVE YOUR COMMENTS