उम्मेदवार ल्यज्या ओली लिहां वयेकाः जक

येँ (नेपालभाषा टाइम्स)÷एमालेया अध्यक्ष केपी ओली स्वास्थ्य उपचारया लागिं बैंकक वनाच्वंगुलिं माओवादीलिसे यायेमाःगु पार्टी एकीकरणया खँ व राष्ट्रिय सभाया चुनाव बारे जुइमाःगु वार्ता तकं स्थगित जूगु दु । न्ह्यःने वयाच्वंगु राष्ट्रिय सभा चुनावया लागिं सहमति दयेकेगु लागिं धकाः म्हिगः च्वंगु पार्टी एकीकरण समन्वय समितिया बैठकं छुं निर्णय याये मफुत ।

पार्टी एकीकरणया ज्या लिपा लाःसां न्ह्यःने वयाच्वंगु राष्ट्रिय सभाया चुनावय् मंकाः उम्मेदवार थनेगु बारे खँल्हाबल्हा जुयाच्वंगु दु । थ्व चुनावय् भोट बीपिं स्थानीय तह व प्रदेश सभाया मतदातात अप्वः यानाः एमालेपाखें त्याना वःपिं जूगुलिं राष्ट्रिय सभाया चुनावय् त्याइपिं नं अप्वः यानाः एमालेयापिं हे जुइगु खनेदु । तर थुकी नं माओवादीं न्हापा जुयाच्वंगु सहमति कथं ४०–६० या हे अनुपातय् उम्मेदवारी बी माःगु दावी यानाच्वगु दु । एमाले अध्यक्ष ओली थौं वा कन्हय् जक येँय् लिथ्यनीगु खँ दु ।

नेपालभाषा टाइम्स

च्वमिया मेमेगु

• नेवाः समुदायया अर्गानिक चकलेट ‘चाकु’
• ख्वपय् सम्यकया तयारी
• तोखाय् घ्यःचाकु संल्हूकुन्हु चाकु दिवस
• आयुसंस्कार परित्याग दिवसयात कयाः सहलह
• अर्घाखाँची नेवाः समाजया साधारणसभा व अधिवेशन