भाषासेवी दीपक नरसिंह मंत

यल (नेपाल भाषा टाइम्स)÷ भाषासेवी, समाजसेवी लिसें व्यवसायी दीपक नरसिंह श्रेष्ठ आकाझाकां मंत । भारतया बैंग्लौरय् आखः ब्वनाच्वंपिं म्ह्याय्पिं नापलायेत उखे झायाच्वंम्ह वय्कः अन हे आकाझाकां उसाँय् मदयाः मदुगु खः ।

वय्कःलिसे सतीम्ह सहकर्मी लिसें भाषासेवी सुरेश प्रधानं कनादीकथं मदुम्ह श्रेष्ठयात ‘गुलियन ब्यारे सिन्ड्रोम’ धाःगु ल्वय् जुयाः बैंग्लोरया हे मणिपाल अस्पतालय् भर्ना याये माःगु खः । वंगु निवाः न्ह्यः वय्कः अस्पताल भर्ना जुयादीगु खःसा म्हीग वासः याकुयाकुं वय्कः मदुगु खः ।
वय्कःयात जूगु थ्व ल्वय् खास यानाः कोरोना जुयाः लनेधुंकूपिं मनूतय्त जुइगु छताजिया स्वास्थ्य समस्या खः । मदुम्ह श्रेष्ठ ६३ दँ दुम्ह खः ।

वय्कःया मां–बौ लिसें जहान व निम्ह म्ह्याय्पिं दी । म्हिगः बैंग्लोरय् हे छेँजःपिं वनाः वय्कःया अन्त्येष्टि याःगु खँ भाजु प्रधानं कनादीगु दु । वय्कः नेपालभाषा मंकाः खलः यलया पुलांम्ह लिउ दांभरि व जीवंकाःछि दुजः खः ।

सम्बन्धित बुखँ

LEAVE YOUR COMMENTS