राजमतिया बहालय् नेवाः फेस्टिभल

येँ – विक्रम संवत्या न्हूदँ २०७५या लसताय् नेवाः संस्कृतिया सौन्दर्य, जीवनशैली व महत्व न्ह्यब्वइगु ज्याझ्वः थनया सम्पदाया महत्वया छाय् उजागर मयायेगु धइगु आज्जु ज्वनाः किलागल टोल सुधार समिति व रेट्रो मेडिया प्रा.लि.पाखें थ्व हे वइगु वैशाख १ गते थनया इतुंबहालय् न्हिनसिया १२ बजे निसें बहनी ८ बजेतक ‘लिभिंग सिटि भोल १ इतुंबहाः फेस्टिभल’ या ज्याझ्वः याइगु जूगु दु ।

थुगु फेस्टिभलय् नेवाः संस्कृति लिसलिसें ३० गू स्टल, वाल पेटिंग, धुपाँय् दयेकेगु नाप मेमेगु ज्या यायेगु स्यनेगु, रंजना लिपि च्वयेगु स्यनेगु व थुकिया महत्व थुइकेगु पुलुकिसि, लाखे, हाथु हायेकेगु नापनापं मेगु यक्व न्ह्यइपुगु स्वयेगु व सीके फइगु खँ म्हिगः जूगु पत्रकार सम्मेलनय् किलागल टोल सुधार समितिया नायः अमृत महर्जनं जानकारी बियादीगु खः ।

राजनीतिक रुपं जक मखु सांस्कृतिक रुपं नं उतिकं नांजाःगु थुगु इतुंबहाः लिसें केशचन्द्र, गुरुमापा अले राजमतिनाप नं स्वानाच्वंगु दु उकिं थुज्वःगु खँया थीथी पक्षयात कःघानाः जुइगु थुगु फेस्टिभलय् प्यद्वः निसें न्याद्वःम्हेसियां अवलोकन याइगु अनुमान यानातःगु दु ।

सम्बन्धित बुखँ

LEAVE YOUR COMMENTS