टिकट नं वन, पद नं वन

येँ (नेपालभाषा टाइम्स)- एमालें छगू हे निर्वाचन क्षेत्रय् निम्ह मनूया नां सिफारिस याःगुया कारणं राष्ट्रिय सभाय् छगू सिट गुमे यायेमाःगु दु ।
म्हीग उम्मेदवारी दर्ताया झ्वलय् रुपन्देही–५ य् एमालें राष्ट्रिय सभाया सांसद खिमलाल भट्टराई व वासुदेव घिमिरे निम्हेसित टिकट बिउगु जुयाच्वन ।

उकी मध्ये वासुदेव घिमिरें न्हापां हे नामांकन दर्ता याना थकल । लिपा निम्हेसित टिकट बी लात धकाः एमालेया अध्यक्ष केपी ओलीं निर्वाचन आयोगयात पौ च्वयाः रुपन्देही–५ य् वासुदेव मखु खिमलालया नां कायम याना बिउ धकाः इनाप याना छ्वत । तर निर्वाचन आयोगं न्हापा वःम्हेसिया नां कम्प्युटरय् इन्ट्री जुइधुंकूगु कारणं आः मेम्हेसिया नां इन्ट्री याये फइ मखु धासें एमालेया इनापयात अस्वीकार याना बिल ।

उखे खिमलाल भट्टराई ला राष्ट्रिय सभाय् राजीनामा बियाः हे वःम्ह जुया–च्वन । वय्कः राष्ट्रिय सभाय् एमालेया सचेतक नं खः गुम्हेसित राज्यमन्त्री सरह सुविधा नं दइ । भट्टराईया राजीनमा लिपा आः राष्ट्रिय सभाय् एमालेया सिट ल्याः छम्ह पाः जुयाः १६ य् सीमित जूगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु