रेशम चौधरी त्वःतकेगु लागिं आन्दोलनया घोषणा

येँ – जन्म कैदया सजाय फयाच्वंम्ह थारू नेता रेशम चौधरीयात त्वःतेमाःगु माग यासें आन्दोलनया घोषणा याःगु दु । टीकापुर घटनाय् दोषी ठहर यासें चौधरी सहित झिंछम्हेसित जेल मुक्त यायेमाःगु माग यासें आन्दोलनया तयारी शुरु जूगु खः । आन्दोलन न्ह्याकेगु निंतिं राजु थारुया संयोजकत्वय् १०१ म्ह सदस्य दुगु ‘माननीय रेशम चौधरी बचाउ अभियान संघर्ष समिति’ गठन याःगु दु ।

अभियानं झापांनिसें कञ्चनपुर तक संगठन दयेकेगु लिसें सचेतना ज्याझ्वः, मेची महाकाली जागरण अभियान, प्रधानमन्त्री, गृहमन्त्री व सभामुखयात ज्ञापन पौ लःल्हायेगु, सरोकारवाला लिसे टिकापुर घटनाया विषयय् ध्यानाकर्षण यायेगु, प्रदेश स्तरीय व येँ केन्द्रित जनसभाया लिसें थीथी दवावमूलक ज्याझ्वः यायेगु खँ धाःगु दु ।