पुलांपिं मेयरत मदु

येँ- थुगु संसदया चुनावय् येँ महानगरपालिकाया निवर्तमान मेयर विद्यासुन्दर शाक्ययात नं टिकट मबिल । स्थानीय चुनावय् एमालेपाखें वय्कःयात हानं मेयरया टिकट मबीवं संसदीय चुनावय् टिकट बीगु अनुमान जुयाच्वंगु खः । तर पार्टीपाखें वय्कःयात थुगुसी नं टिकट मबिल ।

बरु नेपाली कांग्रेसं निवर्तमान उपमेयर हरिप्रभा खड्गी श्रेष्ठयात धाःसा येँया क्षेत्र नं ६ (क) पाखें बागमती प्रदेश सभाया उम्मेदवार दयेकूगु खः ।

अथे हे किपू नगरपालिकाया निवर्तमान मेयर रमेश महर्जनयात नं थ्व चुनावय् टिकट मबिल । वंगु स्थानीय चुनावय् नं वय्कःयात एमालें टिकट मबिउगु खः ।