नेवाः अर्गनाइजेसन अफ न्यू इंग्ल्याण्डय् न्हूगु नेतृत्व
येँ (नेपालभाषा टाइम्स)÷ नेवाः अर्गनाइजेसन अफ न्यू इंग्ल्याण्डया (नेवाः ओएनइ) गुकःगु तःमुँज्या जूगु दु । म्यासेच्युसेट्स स्टेटया आर्लिङ्टेन सहरया फक्से लाइब्रेरीइ जूगु तःमुँज्यां संस्थाया न्हूगु ज्यासना पुचः नं ल्यःगु दु ।
सर्वसम्मतं ल्यःगु न्हूगु ज्यासना पुचलय् संजिव तुलाधर नायः, बिजेन्द्र प्रधान व निरेस कर्माचार्य न्वकु, मतिना तुलाधर छ्याञ्जे, सजनी वज्राचार्य ल्यू छ्याञ्जे, सुरेज महर्जन दांभरि, सुनिल डंगोल ल्यू दांभरिइ च्वनादीगु दुसा दुजलय् रबिन महर्जन, शोभा महर्जन, सुरज मानन्धर, दिपन महर्जन, मनिस महर्जन, नसना बज्राचार्य, निलम श्रेष्ठ च्वनादीगु दु ।
अथेहे सल्लाहकार समितिइ महेन्द्र शाक्या, दिपक डंगोल, समन्त बज्राचार्य व कर्म महर्जन च्वनादीगु दु ।
थुगु मुँज्यां न्हूगु फण्ड राइजिङ कमिटी नं नीस्वंगु खः । कमिटीइ किरण मानन्धर, सुवर्ण शाक्य वा बाबुराम महर्जन दुजः जुयादीगु दु । तःमुँज्याय् निर्वतमान नायः समन्त वज्राचार्यं थःगु कार्यकाल २०१९–२०२२ स्वदँया दुने जूगु थीथी ज्याझ्वःया विवरण बियादीगु खः ।
LEAVE YOUR COMMENTS