निगम विरुद्ध उजुरी

येँ (नेपालभाषा टाइम्स)- राष्ट्रिय उपभोक्ता मञ्चं पेट्रोलियम पदार्थया भाः क्वमकाःगुलिं आयल निगम विरुद्ध संसदीय समितिइ उजुरी तःगु दु । प्रतिनिधिसभा अन्तर्गत उद्योग तथा वाणिज्य व श्रम तथा उपभोक्ता हित समितिइ तत्काल इन्धनया भाः क्वकायेत माग यासें अध्यक्ष प्रेमलाल महर्जनं निवेदन बियादीगु खः ।

निवेदनय् धयातःगु दु, ‘अन्तर्राष्ट्रिय बजारय् पेट्रोलियम पदार्थया भाः स्वला न्ह्यवंनिसें निरन्तर रुपं कुहां वयाच्वंसां नेपाल आयल निगमं थीथी त्वहचिनाः भाः क्वमकाः, थुकिं यानाः उपभोक्ता मारय् लानाच्वंगु दु ।’

निगमं बेइमानीपूर्ण ढंगं उपभोक्ता ठगे यानाच्वंगु धासें मञ्चं तत्काल समितिपाखें पहल यानाः भाः क्वकयाः नागरिकयात राहत बीमाःगु माग नं निवेदनय् यानातःगु दु ।