नेवाः गुथि न्यूयोर्कया इहि मुना

येँ(नेपालभाषा टाइम्स)- नेवाः गुथि न्यूयोर्कया ग्वसालय् मंकाः इहि ज्याझ्वः जुल । दँय्दसं इहि ज्याझ्वः याना वयाच्वंगु गुथिया ग्वसालय् थुगुसी न्याक्वःखुी मंकाः इहि मुना ज्याझ्वः जूगु खः ।

उगु इहि ज्याझ्वः वासब राजोपाध्यायं संचालन यानादीगु खः । धार्मिक विधि व परम्परागत रुपं इहि ज्याझ्वः जूगु गुथिया दांभरिं हृदय तुलाधरं कनादीगु दु । वय्कःया कथं थुगुसी अमेरिकाया थीथी थासय् च्वंपिं नेवाः मिसा मस्तय् इहि यायेगु ज्या जूगु खः । थुगुसीया इहि ज्याझ्वलय् ६ दँनिसें ९ दँ दुपिं न्हय्म्ह मिसा मस्तय् इहि याःगु खः। ज्याझ्वलय् नोभा अमात्य, श्रीशा श्रेष्ठ, अन्याकिरण श्रेष्ठ, रुविशा श्रेष्ठ, सनया कारंजित, किअरा ताम्राकार, आर्या अमात्यया इहि याःगु खः ।

इहिया निंतिं सकतां व्यवस्थापन गुथिं याःगु खःसा हृदय तुलाधर, निर्मल चित्रकार, कृष्णा महर्जन, कविनासिंह महर्जनं विशेष ग्वाहालि यानादीगु खः । अथे हे जमुना कपाली, रज्जु लोहनि चित्रकार, अनिता नकःमिं नं ग्वाहालि यानादीगु खः ।