सूचना केन्द्रया न्यादँ बुन्हि

येँ(नेपालभाषा टाइम्स)- नेवाः सूचना केन्द्र न्यादँ क्यंगु दु । नेवाः समुदायया भाषिक, साहित्यिकलिसें थीथी गतिविधि प्रचार प्रसार यायेगु ज्या याना वयाच्वंगु केन्द्रं आः नकतिनि थःगु न्यादँ बुन्हि हनेगुलिसें न्हूधाः नं याःगु खः ।

केन्द्रया निवर्तमान नायः नरेन्द्र श्रेष्ठया सभापतित्वय् जूगु ज्याझ्वलय् मूपाहांकथं वरिष्ठ साहित्यकार हितकरवीर सिंह कंसाकार झायादीगु खः । उगु इलय् नेपालभाषाया समाचार मूलक अनलाइन नेवाः अनलाइन न्य्ुजयात नं सम्मान याःगु खः । अथे हे केन्द्रयात थीथीकथं ग्वाहालि यानादीपिं आख्यानकार मथुरा साय्मि, सिद्धिविलास वज्राचार्यया प्रतिनिधिकथं धर्मसेवी सरस्वती वज्राचार्य व रेगन रंजितयात नं हनेज्या याःगु खः ।

ज्याझ्वलय् नेवाः देय् दबूया नायः पवित्र वज्राचार्य, नेवाः पत्रकार राष्ट्रिय दबूया नायः सुरजवीर वज्राचार्य, सुरेश प्रधान, सुजीव वज्राचार्यं नुगःखँ तयादीगु खः । लिसें रमिता वज्राचार्यया अध्यक्षताय् केन्द्रया ज्यासना पुचःया न्हूधाः नं याःगु खः ।

सम्बन्धित बुखँ

LEAVE YOUR COMMENTS