खुसिइ फोहोर वाये हःपिंत नीन्याद्वः बं

येँ (नेपालभाषा टाइम्स)- यँे मनपां हिजा खुसि (धोबीखोला) ये फोहोर वांछ्वःगु छगू कम्पनीयात नीन्याद्वः तका बं पुइकूगु दु । येँ मनपा ९ वडास्थित प्राक्टिकल वेष्ट सोलुसन प्रालियात खुसिइ फोहोर वांछ्वःगु धासें बं पुइकूगु खँ मेयर बालेन्द्र साहं कनादीगु दु । थुकिया बारे सामाजिक सञ्जालय् चर्चा जुइवं कारबाही न्ह्याकूगु खः ।

लिसें मेयर साहं थज्याःगु ज्या मयायेत सकसितं इनाप यासें थज्याःगु ज्या यानाच्वंगु खँ सार्वजनिक यानाः महानगर तक थ्यंकूगुलिं सम्बन्धित मनूतय्त सुभाय् नं बियादीगु दु । नापं मेपिंसं नं थज्याःगु गलत ज्या गनं जुयाच्वंगु खंसां थःपिंत जानकारी बीत इनाप यानादीगु दु । प्राक्टिकल वेष्ट सोलुसन प्रालिं छेँय् छेँय् मुनाहःगु फोहोर हिजा खुसिइ हयाः वांछ्वःगु खः ।