सापारु निन्हु (किपा स्वयादिसँ)

येँ (नेपालभाषा टाइम्स)-तिथिया गडबडीं यानाः शुक्रवाः येँय् सायाः पिकाःपिं म्हो जक खने दत । येँय् शनिवाः सायाः न्यायेकेगु धकाः थीथी खलः पुचःतय्सं इनाप याः कथं कन्हय् जक सापारु न्यायेकीगु जुयाच्वंगु दु । म्हिगः सापारु न्यायेके कथं म्हो जक मनूतय्सं सायाः पिकाःगु खः । यलय् व ख्वपय् धाःसा म्हिगः हे सापारु न्यायेकल । यलय् थौं मतयाः पिकायेगु तयारी जुयाच्वंगु दु ।

ख्वपय् थाै‌ तःजिक सापारु न्यायेकूगु खः । काेराेनाया कारण व‌ंगु स्वदँ न्ह्यःनिसे‌ं थन पूव‌ंक सापारु मन्यानाच्व‌ंगु खःसा थ्व पालय् तःजिक सापारु न्यायेकूगु खः । थ्वपालय् तायमचा जक मखु घिन्ता‌ंकिसि लिसे‌ं थीथी झाँकी सहित सायाः पिहांवःगु खः ।

किपुली नं शनिवाः जक सायाः पिदनीगु जूगु दुसा शुक्रवाः गुंपुन्हि न्यायेकूगु दु । थन गुंपुन्हि कुन्हु बहाः पुजा वनीगु चलन कथं बहनी बहाः चाःहिउवनाच्वंगु दु ।

तिथि तुत जूगुलिं अन्यौल ब्वलंगु जुयाः खलः पुचःतय्सं थःपिनि कुल परम्परा व अभ्यास कथं उपयुक्त न्हि कुन्हु नखः हंसां छुं मपाः धकाः सार्वजनिक इनाप याना वयाच्वंगु खः ।