बँ पसः मतयेकेत महानगर प्रमुख शाहयात ज्ञापन पौ लःल्हाइगु

येँ(नेपालभाषा टाइम्स)-येँ महानगरपालिकाया प्रमुख बालेन्द्र शाह (बालेन)यात बँपसः चिइकेगु अभियानयात निरन्तरता बीमाःगु माग यासें ज्ञापन पौ लःल्हाइगु जूग्ु दु । महानगर प्रमुख शाहयात येँ देय् दुनेया थाय्थासय् अव्यवस्थित रुपं तयातःगु बँपसः चिइकेगु अभियान मदिक्क न्ह्याका यंकेमाःगु माग यासें ज्ञापन पौ लःल्हायेत्यंगु खः ।

नेवाः जागरण मञ्चया ग्वसालय् वंगु शुक्रवाः थनया नेपाः ब्यांक्वेटय् जूगु सरोकारवालातय् छगू भेलां महानगर प्रमुख शाहयात बँपसः चिइकेगु अभियान निरन्तर रुपं न्ह्याकेमाःगु माग यासें ज्ञापन पौ लःल्हायेगु निर्णय याःगु खः । बँपसः चिइकेगु अभियान नेवाः सरोकारया विषय जूगु धासें सहलह मुँज्यां मंकाः ज्ञापन पौ लःल्हायेगु क्वःछिउगु खः ।

मुँज्यां बँपसः चिइकेगु अभियानयात ग्वाहालि यायेगु, मदिक्क न्ह्याकेत खबरदारी यायेगु नापं बँपसःपाखें दकलय् अप्वः नेवाःत पीडित जूगुलिं अभियानयात तिबः बीत नेवाःत न्ह्यःने वनेमाःगु नं निर्णय याःगु दु ।

सहलह मुँज्याय् नेवाः देय् दबूया न्वकु उमेश स्थापित, चेम्बरया दुजःलिसें भोताहिति बजार व्यवस्थापनया कजि ज्ञानेन्द्र तुलाधर, असन सेवा समितिया पुलांम्ह नायः यज्ञरत्न तुलाधर, नेवाः बस्ती नेवाः स्कुलया दीपक तुलाधर, लगं खलःया नायः सुवर्ण स्थापितलिसें थीथी अभियानया अभियन्तात, थीथी संघसंस्थाया प्रतिनिधितय् सहभागिता दगुु खः ।

सम्बन्धित बुखँ

LEAVE YOUR COMMENTS