डिभोर्स लिपा नं नापं

बलिउडया चर्चित नायकमध्ये छम्ह ऋतिक रोशन व वया कलाः सजैन खान आः नापं मखये धुंकल । इमिस पारपाचुके (डिभोर्स) जूगु छुं मखुसां प्यदँ दयेधुंकल । ऋतिक व सुजैनया डिभार्सया कारण मेम्ह नायिका कंगना रानावत खः धइगु चर्चा छगू इलय् गाक्कं जूगु खः ।
डिभार्स जूगु दँ दँ दयेधुंकूसां ऋतिक व सुजैन इलय्व्यलय् नापनापं खने दयाच्वंगु दु ।

अझ लिपांगु इलय् थुपिं निम्हेसिया मतिना हाकनं क्वतुना वल धइगु चर्चा नं बलिउडय् जुयाच्वंगु दु । छगू कथं ऋतिक व सुजैन हाकनं छम्ह जुइगु धइगु चर्चा थ्व इलय् बलिउडय् गाक्कं जुयाच्वंगु दु ।

थुपिं निम्ह थः निम्ह कायपिंलिसें विदा माने यायेत लिपांगु इलय् गुकथं व्यस्त जुयाच्वंगु खः, उकिया हे लिधंसाय् ऋतिक व सुजैन निम्ह हाकनं छम्ह जुइत्यंगु धइगु चर्चा बलिउडय् जुयाच्वंगु दु । अझ ऋतिकं छगू भिडियो सन्देशपाखें सुजैनप्रति थःगु मतिना प्वंकूगु धइगु नं चर्चा जुयाच्वंगु दु । इमिगु तिपूजीवन हाकनं सुथां लाइगु खः वा मखु, व लिपा खने दइ ।

सम्बन्धित बुखँ

LEAVE YOUR COMMENTS