‘मन्त्री श्रेष्ठयात हातपात जूगु मखु, सामान्य सहलह जूगु खः’

येँ (नेपालभाषा टाइम्स)÷सामान्य प्रशासन मन्त्री राजेन्द्र श्रेष्ठयात वय्कःया थःगु हे पार्टीया सांसद रामबाबु यादवं सिंहदरवारस्थित ज्याकुथिइ हातपात यात धकाः म्हिगः पिहां वःगु समाचारयात मन्त्री श्रेष्ठया सचिवालयं खण्डन याःगु दु ।

मन्त्री श्रेष्ठया स्वकीय सचिव श्रीजन श्रेष्ठं म्हिगः ‘नेपालभाषा टाइम्स’ लिसे खँ ल्हासें पार्टीया सांसद रामबाबु यादवं थःगु जिल्लाया लागिं बजेट छाय् मलाःगु धकाः मन्त्री श्रेष्ठ समक्ष जिज्ञासा जक तःगु खः, हातपात याःगु मखु धयादिल । छगू हे पार्टीया निम्ह नेतातय् दथुइ जूगु खँयात अतिरंजित ढंगं प्रचार यानाः पार्टी दुने मतभेद पिकायेगु नियतं अज्याःगु समाचार वःगु खँ नं स्वकीय सचिव श्रेष्ठं कनादिल ।

सहलह जूगु इलय् पार्टीया नेता हरि नारायण रौनियार लगायत सचिवालयया पुचः नं नापं दुगु खँ नं वय्कलं कनादिल । तराइवासी माननीयया सः स्वाभाविक रुपं तसः जूगुयात हे ल्वापु जुल धकाः प्रचार जूगु खँ नं वय्कलं कनादिल । थुकियात कयाः मन्त्रीया सचिवालयपाखें विज्ञप्ति पिकायेत्यंगु जानकारी नं वय्कलं बियादिल ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु