त्यंगः त्वाःया भिंतुना देछा ज्याझ्वः

येँ- त्यंगः त्वाः खलकं येँ महानगरया नवनिर्वाचित जनप्रतिनिधिपिंत हनेज्या याःगु दु । खलकं येँ महानगरया नवनिर्वाचित उपप्रमुखलिसें थीथी वडाया वडाअध्यक्ष व वडा सदस्यपिंत हनेज्या याःगु खः ।

खलकं येँ महानगरया नवनिर्वाचत उपप्रमुख सुनिता डंगोल, येँ महानगरपालिका १७ वडाअध्यक्ष नविन मानन्धर, १८ वडाअध्यक्ष न्हुछेकाजी महर्जन, २५ वडा नायः राजेश डंगोललिसें स्वंगुलिं वडाया वडासदस्यपिंत नं हनेज्या याःगु खः ।

खलःया नायः धनबहादुर तिमिलाया सभापतित्वय् न्ह्याःगु ज्याझ्वःया उलेज्या त्वाःया निम्हम्ह थाकुलि देवनारायण महर्जन व उपप्रमुख डंगोलं मंकाःकथं यानादीगु खः । ज्याझ्वलय् नवनिर्वाचित जनप्रतिनिधिया कार्यकाल सुथां लायेमा धइगु कामनायासें ख्यें सगंलिसें भिंतुना पौ लःल्हाःगु खः ।

त्यंगः त्वाः मिसा पुचःया नायः नानीहिरा महर्जनं लसकुस यानादीगु ज्याझ्वलय् उपप्रमुख डंगोल, वडाअध्यक्ष, खलःया सचिव मणिकण्ठ महर्जनं थःथःगु नुगःखँ तयादीगु ज्याझ्वलय् बालकृष्ण महर्जनं सुभाय् देछानादीगु खः ।