ने. सं. ११४६ चिल्लागा नवमी -

न्हूदँ समारोहपाखें भिंतुना देछा

येँ-नेपाल संवत् न्हूदँ राष्ट्रिय समारोह समिति ११४२ पाखें स्थानीय तह निर्वाचनय् निर्वाचित समितिया दुजःपिंत भिंतुना देछाःगु दु ।
समितिया नायः निरञ्जनरत्न शाक्यया सभापतित्वय् जूगु ज्याझ्वलय् समितिया दुजःपिं १७ वडाअध्यक्ष नविन मानन्धर, १२ वडा सदस्य नानीहेरा महर्जन, १८ वडा सदस्य हेराशोभा महर्जन व १७ वडा सदस्ययात ख्यें सगं बियाः भिंतुना देछाःगु खः ।

ज्याझ्वलय् समितिया सल्लाहकार प्रा. डा. चुन्दा वज्राचार्यं निर्वाचित जनप्रतिनिधियात खादा क्वखायेकाः भिंतुना बियादीगु खःसा मेम्ह सल्लाहकार पुलांम्ह राज्यमन्त्री तीर्थराम डंगोलं स्थानीय निकापाखें नेपाल संवत्यात छ्यलाबुलाय् हयेत पहल यायेत इनाप यानादिल ।