मिनि हाजिरी जवाफ व परियत्ति अनुभव व्यक्त ज्याझ्वः

ख्वप – मैत्रेय युवा संघ व नेपाल बौद्ध परियत्ति शिक्षा केन्द्रया समन्वयय् मिनि हाजिरी जवाफ व परियत्ति अनुभव व्यक्त यायेगु ज्याझ्वः

जुल । बुद्ध संवत २५६६ क्वःगु स्वांयाःपुन्हिया लसताय् उगु ज्याझ्वः जूगु खः ।
संघया ग्वासलय् न्ह्यानाच्वंगु परियत्ति शिक्षाया विद्यार्थीतय्त व्यक्तित्व विकासया निंतिं मिनि हाजिरी जवाफ व परियत्तिया अनुभव व्यक्त यायेगु ल्याखं जूगु ज्याझ्वः थथुबहिलिइ जूगु खः ।

संघया अध्यक्ष लक्ष्मीचन्द्र वज्राचार्यया सभापतित्वय् जूगु ज्याझ्वः मूपाहां श्रद्धेय भिक्षु अमिताभों पंचशील बिया बिज्यासे न्ह्याःगु खः । ज्याझ्वलय् परियत्ति शिक्षाया विद्यार्थीपिं युनिशा कोजु, प्रिया शाक्य, पे्रमस शिल्पकार, मनोज्ञ जोन्छें परियत्ति शिक्षा अध्ययन यानागु नापं उकिं लाकूगु प्रभावया बारे कनादीगु खः ।

ख्वपया समाजसेवी पद्मसुन्दर शाक्य, दत्तात्रय आधारभूच विद्यालय परियत्ति केन्द्रया केन्द्राध्यक्ष योगेन्द्र श्रेष्ठं नं नुगःखँ तयादीगु ज्याझ्वलय् परियत्ति शिक्षाया विद्यार्थी सुमिना जोन्छें ध्यान भावनाया महत्वयात कयाः नुगःखँ तयादीगु खः ।

मूपाहां भिक्षु अमिताभों धर्मोपदेश बियाबिज्याःगु ज्याझ्वलय् संघया सचिव सचिंत बुद्धाचार्यं लसकुस यानादीगु खःसा उपाध्यक्ष तीर्थराज वज्राचार्यं सुभाय् देछानादीगु खः ।

अथे हे हाजिरी जवाफ ज्याझ्वलय् मुक्कं १९ म्ह परियत्ति शिक्षाया विद्यार्थीं ब्वति कयादीगु खःसा ब्वति कयादीपिं सकसितं सफू, कापी, कलम सिरपाःकथं लःल्हाःगु खः ।

सम्बन्धित बुखँ

LEAVE YOUR COMMENTS