समर्थकतय्सं हुलदंगा याःगुलिं फ्रेन्च लिग वानया कासा स्थगित

एजेन्सी- फ्रेन्च लिग वान अन्तर्गत आइतवाः बहनी जूगु छगू कासाय् समर्थकतय्सं हुलदंगा याःगुलिं स्थगित जूगु दु । आइतवाः निस व मार्सेलीया दथुुइ जूगु कासाय् निसया समर्थकतय्स मार्सेलीया कासामितय्त बोतलं कयेकाः ल्वापु याःगु खः । निसया समर्थकतय्गु हुलं मैदानय् वयाः ल्वापु याःगु खः ।

निसया समर्थकतय्सं दकलय् न्हापां मार्सेलीया कासामि डिमित्रीयात बोतलं कयेकूगु खःसा बोतलं लानाः कासामि मैदानय् क्वःदःगु खः । समर्थकं कयेकूगु बोतलयात कासामितय्सं समर्थक दुथाय् हे कयेका छ्वयेवं समर्थकतं मैदानय् दुहां वःया कासामितय्त दाःवःगु खः । थुकी लानाः मार्सेलीया कासामित घाःपाः नं जूगु खः ।

तसकं थाकुक समर्थकतय्त नियन्त्रणय् कायेधुकाः कासा हाकनं शुरु यायेगु धाःसां मार्सेलीया कासामितय्सं म्हितेत अस्वीकार याःगुलिं कासा स्थगित जुल । कासा स्थगित जुइ न्हयः निसं कासाय् १–० गोलं अग्रता कयातःगु खः ।

सम्बन्धित बुखँ

LEAVE YOUR COMMENTS