छायाँदेवीया आइपीओ रोके यायेत इनाप

येँ- सम्पदा संरक्षण अभियन्तातय्सं थँबहिली च्वंगु विवादित छाँयादेवी कम्प्लेक्स प्रालिया आईपीओ निष्काशन रोक्का यायेत
नेपाल धितोपत्र बोर्डयात माग याःगु दु ।

अभियन्तापिं भागवत नरसिंह प्रधान, राजवीर डंगोल व अनिल प्रधानं वंगु आइवाः छायाँदेवी कम्प्लेक्स विरुद्ध सर्वोच्च अदालतय् झिंनिगू मुद्दा थौंकन्हय् विचाराधीन जुयाच्वंगु अवस्था दु धासें बोर्डय् लिखित पौ बुझे याःगु खः । म्हिगः बोर्डयात बिउगु पतिइ धयातःगु दु, ‘थुगु कार्यालयया स्वीकृतिं छायाँदेवी कम्प्लेक्स प्रालिपाखें सर्वसाधारणयात मीगु कथं आईपिओ निष्काशन यायेगु सम्बन्धय् थीथी सञ्चार माध्यमय् २०७८÷१२÷६ स पिदंगु समाचारप्रति जिमिगु गम्भीर ध्यानाकर्षण जूगु दु ।’ छायाँदेवी कम्प्लेक्स थँबहीया सार्वजनिक पुखू त्वपुयाः उकिया द्यःने दयेकूगु धासें सम्पदाप्रेमितय्सं आन्दोलन याना वयाच्वंगु दु ।