आः राजतन्त्र लिहां वये मफइगु कमल थापाया दावी

येँ (नेपालभाषा टाइम्स)- राप्रपाया अध्यक्ष कमल थापां आः खुल्ला रुपं हे राजतन्त्रया विरोध शुरु याना हःगु दु । म्हिगः चितवनय् जूगु छगू पत्रकार सम्मेलनय् न्ववासें वय्कलं आः राजनीतिक पार्टीतय्गु विकल्प राजतन्त्र जुइ फइ मखु धकाः स्पष्ट रुपं धयादिल । वय्कलं धयादिल, ‘राजनीतिक दलया विकल्प राजनीतिक दल हे खः, राजतन्त्र जुइ फइ मखु ।’

थःपिं हिन्दू राज्यया पक्षय् दुसां हानं राजतन्त्र लित हयेमाः धइगु पक्षय् धाःसा मदुगु खँ नं स्पष्ट यानादिल । लिसें वय्कलं देय्या राजनीति आः निर्मल निवासं बिचाः याः थें अःपु मजूगु बिचाः नं प्वंकादिल । अथे खःसां म्हिगः राजतन्त्रया लागिं थःपिंसं गुलि नं याना उकिया सवालय् धाःसा थःत छुं हे पश्चाताप मदुगु खँ नं वय्कलं कनादिल ।

आः जुइगु स्थानीय तहया चुनावय् राप्रपां एमालेलिसे सहकार्य यानाः न्ह्याः वने फइगु खँ नं वय्कलं कनादिल । राष्ट्रियताया सवालय् एमाले व थःपिनि बिचाः मिले जू धासें वय्कलं सहकार्यया लागिं खँ जुयाच्वंगु खँ नं कनादिल ।

सम्बन्धित बुखँ

LEAVE YOUR COMMENTS