नेपालभाषा परिषदया १७ क्वःगु दँमुज्या

येँ – नेपालभाषा परिषदया भिंmन्हयक्वःगु दँमुँज्या वंगु सनिवाः थनया चागलय् च्वंगु जगतसुन्दर ब्वनेकुथिइ परिषद्या न्वकू नविन चित्रकारया सभापतित्वय् जुल ।
दुजः नापं कवियत्री प्रतिसरा सायमिं लसकुस यानाः न्ह्याःगु उगु ज्याझ्वलय् नायः प्राध्यापक सुवर्ण शाक्य व आजीवन दुजः साहित्यकार सौरभ शाक्यपिनि भिंउसाँयया कामना यासें न्ह्याःगु ज्याझ्वलय् नायः सुवर्ण शाक्यं छ्वयाहःगु सन्देश ब्वना न्यंकूगु खः । लिसें थुगुसी मदुपिं आजीवन दुजःपिं म्युजियम संयोजक जलकृष्ण श्रेष्ठ, भाषासेवि लक्ष्मीदास मानन्धर, साहु द्रब्यमानसिं तुलाधर व कवि पूर्ण बैद्य मदुगु दुःखय् छगू मिनेट मौनधारण यासें निर्वाण कामना याःगु खः ।

दँमुँज्याय् परिषद्या छ्याञ्जे पुष्परत्न तुलाधरं प्रतिवेदन व दांभरिं मयजु मंगला कारंजितं ल्याःचाः प्रतिवेदन न्ह्यब्वयादिल ।
बाखंच्वमि बिमलप्रभा वज्राचार्यं न्ह्याकादीगु उगु ज्याझ्वलय् अन्तय् न्वकू नवीन चित्रकारं नेपालभाषा परिषदया भवन निर्माणया आः तकया प्रगतिया जानकारी बीगु ज्या नं जूगु खः ।