ने. सं. ११४६ बछलागा तृतीया -

आन्दोलनरत चिकित्सक व स्वास्थय मन्त्रालय दथुइ सहमति

येँ – स्वास्थ्य तथा जनसंख्या मन्त्रालय व आन्दोलनरत चिकित्सकतय् दथुइ न्यागू बुँदे सहमति जूगु दु । सहमति लिपा छवाः न्ह्यःनिसें आन्दोलन यानाच्वंगु नेपाल मेडिकल कलेज शिक्षण अस्पताल जोरपाटीया चिकित्सकतय्सं आान्दोलनयात स्थगित याःगु दु ।

निगू पक्ष दथुइ ड्युटीइ खटेजुयाच्वम्ह चिकित्सकयात हातपात याःपिंत छानबिन यानाः स्वन्हुया दुने कारवाही यायेगु सहमति जूगु दु । अथेहे सीसीटीभी फुटेज गायव याःम्हेसित नं स्वन्हुया दुने कारवाही यायेगु लगायत न्यागू बुँदे सहमति जूगु खः ।

वंगु जेठ १४ गते येँया जोरपाटीइ च्वंगु नेपाल मेडिकल कलेज शिक्षण अस्पतालय् वासः याकाच्वम्ह बिरामीया थःथितिं चिकित्सकयात हातपात यायेवं चिकित्सिकत आन्दोलनय् कुहांवःगु खः ।