बालकुमारी द्यः लुइकल

यल – सुनाकुथिया बालकुमारी द्यः लूगु दु । यलया हात्तिवन गैरिगामय् च्व‌गु छगः देगःया पेटीय बाेराय् तयाः वांछ्वयातःगु अवस्थाय् मूर्ति लुइकूगु खः ।

शुक्रवाः सुथय् स्थानीय सविता लामिछाने ना‌ंया मिसा‌ं बाेराय् तयाः द्यः वांछ्वयातःगु खनेवं प्रहरीइ खबर याःगु खः । महानगरीय प्रहरी परिसर यलं शुक्रवाः हे जावलाख्यः चाैकीइ पत्रकार सम्मेलन यानाः मूर्तिइ लूगु जानकारी बिउगु दु । मूर्ति लूगु खबर वयेव‌ं सुनागूया स्थानीयत द्यः हाकनं देगलय् बिज्याकेगु निंतिं बाज‌ं ज्वनाः महानगरीय प्रहरी परिसर जावलाखेलय् लँस्वःव‌ंगु खः ।

छवाः न्ह्यः देगःया प्यफ्वः ताःचाः तछ्यानाः बालकुमारी द्यः खुया यंकूगु खः । द्यः खुया य‌ंकेधु‌काः बालकुमारी द्यः गुथि‌ं मूर्तिया बारे जानकारी बिउम्हेसित न्यागू लाख दां सिरपाः बीगु घाेषणा याःगु छुं न्हि लिपा हे द्यः लूगु जानकारी वःगु खः । प्रहरी‌ं द्यः खुँतयस‌ं थःपिंत ज्वनी धकाः ग्यानाः उकथं द्यः वांछ्वये हयातःगु अनुमान याःगु दु ।

सम्बन्धित बुखँ

LEAVE YOUR COMMENTS