वडा अध्यक्षया छेँनं हे मिटर खुया यन

येँ – थौंकन्हय् येँय् हितिया मिटर खुया यंकीपिं तसकं अप्वयाच्वंगु दु । पिने खने दयेक तयातःगु वा छेँया दुने हे छ्यलिइ खने दयेक तयातःगु मिटरत सुं मदुगु पाखय् लाकाः खुया यंकीपिं अप्वयाच्वंगु खः । थ्व झ्वलय् येँ मनपा वडा नं. २ या वडा अध्यक्ष राजेन्द्र श्रेष्ठया छेँय् तकं मिटर खुया यंकूगु दु । वय्कःया लाजिम्पाटय् च्वंगु छेँया छ्यलिइ तयातःगु मिटर न्हिनय् वयाः खुया यंकूगु खः ।

खुयाच्वंगु दृश्य अन तयातःगु सीसी क्यामेराय् कैद जुयाच्वंगु दु । काठमाडौं उपत्यका खानेपानी लिमिटेडं थौंकन्हय् २४२५ तका दां पुल कि छन्हुं हे मिटर बीगु यानाच्वंगु दु । न्हापा न्हापा मिटर कायेत लां लां पी मालीगु खः ।

थौंकन्हय् अन नं मिटर खुया यंकल धकाः काः वइपिं अप्वयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS