गंकी धुस्वां–बसुन्धरा सिरपाः कार्कीयात

येँ -थुगु दँया गंकी धुस्वां–बसुन्धरा सिरपाः मिसाम्ह उपन्यासकार नीलम कार्की निहारिकायात बीगु जूगु दु । अथे हे धुस्वां साय्मि सिर्जना पुरस्कार वरिष्ठ चित्रकार गोविन्दलाल सिं डंगोलयात बीगु जूगु दु ।

गंकी धुस्वां–बसुन्धरा प्रतिष्ठानया नायः डा. अरुण साय्मिया अध्यक्षताय् च्वंगु मुँज्यां थ्व निर्णय याःगु खः । थ्व निगुलिं सिरपाः ५०÷५० द्वः तकाया खः ।

नेपालभाषाया उपन्याससम्राट धुस्वां साय्मिया नामं थ्व सिरपाः स्वनातःगु खः । थ्वहे वइगु घ्यःचाकु संल्हू कुन्हु छगू ज्याझ्वःया दथुइ सिरपाः लःल्हाइगु ज्याझ्वः दु ।