प्रशिक्षक पुबुदु नेपाः थ्यन
एजेन्सी÷ नेपाः राष्ट्रिय क्रिकेट टिमया प्रशिक्षक पुबुदु दासानायके नेपाः थ्यंगु दु । निक्वखुसी नेपाःया प्रशिक्षक जूम्ह पुबुदु मंगलावाः न्हिनय् क्यानाडां नेपाः थ्यकं वःगु खः । पुबुदुयात क्यानया व्यवस्थापक विनोद दासं त्रिभुवन विमानस्थलय् वनाः लसकुस याःगु खः ।
नेपाल क्रिकेट संघ (क्यान) वंगु मंसिरया २५ गते पुबुदु दासानायकेयात नेपाः प्रशिक्षक नियुक्त याःगु खः । डेभ ह्वाटरमोर असोजय् प्रशिक्षक पदं राजीनामा बिउगुलिं क्यानं पुबुदुयात प्रशिक्षक दयेकूगु खः । ह्वाटरमोरं ओमानय् जूगु आइसिसी विश्वकप क्रिकेट लिग २या त्रिकोणात्मक सिरिजलिपा राजीनामा बिउगु खः ।
श्रीलंकाया पूर्व कासामि पुबुदु दासानायके थ्वयां न्ह्यः सन् २०११ निसें २०१५ तक नेपाःया प्रशिक्षक जूगु खः । पुबुदुया प्रशिक्षणय् नेपालं सन् २०१४ टि–२० विश्वकप म्हितूगु खः । अथेहे नेपालं आइसीसी डिभिजन ४ व डिभिजन ३ या उपाधि नं पुबुदुया प्रशिक्षण त्याकूगु खः । सन् २०१५ य् नेपाःया क्रिकेटय् विवाद जूगुलिं पुबुदुं राजीनामा बिउगु खः । पुबुदुं एभेरेष्ट प्रिमियर लिगय् भैरहवा ग्ल्याडियटर्सयात प्रशिक्षण बिउगु
LEAVE YOUR COMMENTS