टाइगरया एक्सनय् रियाक्यासन

बलिउड फिल्म उद्योगय् चर्चित छगू संकिपा ‘बागी–२’ प्रदर्शनय् वये धुंकूगु दु । बलिउड अभिनेता टाइगर श्राफया मू भूमिका दुगु बागी–२ छगू ‘एक्सन प्याक’ संकिपा खः ।प्रदर्शनय् वःगु न्हापांगु न्हि हे थुगु संकिपां सफलता प्राप्त याःगु जक मखसे बक्स अफिसय् नं उकथंया हे सफलता कायेत काःगु दु । खतुं थुगु संकिपा प्रदर्शनय् वये न्ह्यः जकमखु, शुटिंग जुयाच्वंगु इलय् नं हे छगू कथं व्यापक रुपं चर्चा जुयाच्वंगु खः । संकिपाया हे निंतिं धकाः नायक टाइगर श्राफं विशेषकथंया मार्शल आर्टस्या प्रशिक्षण नं काःगु खः । टाइगरया प्रस्तुति व वयागु भूमिकायात कयाः स्वकुमिपिं तारिफ याःगु ला जु हे जुल बलिउडया एक्सन हिरो कथं कयातःपिं नायक अक्षय कुमार व ऋतिक रोशन तकं कायल जुयाच्वंगु दु ।संकिपा व टाइगरया एक्सनयात कयाः बलिउडया आपालं सेलिब्रिटीतय्सं सामाजिक संजालय् तारिफ यासें ट्विट याःगु दुसा ऋतिक रोशनं ला टाइगर छम्ह बलिउड फिल्म उद्योगया निंतिं एक्सन हिरो जक मखसे वनापं ज्या यायेत इच्छा नं प्वंकूगु दु । अथे हे ग्यानापुगु स्टन्ट यायेत तकं थम्हं हे यायेत लिफः मस्वइम्ह अक्षय कुमारं टाइगरया तुलना मार्शल आर्ट क्षेत्रय् नांजाःम्ह अभिनेता टोनी जा लिसे याःगु दु ।

सम्बन्धित बुखँ

LEAVE YOUR COMMENTS