न्यादँनिसें झिछदँ दुपिं मस्तय्त फाइजर खोप बिइत सिफारिस

एजेन्सी- अमेरिकाय् न्यादँनिसें झिछदँ दुपिं मस्तय्त कोरोना भाइरसविरुद्ध बिइगु फाइजर बायोएनटेक खोप बिइत मंगलवाः अमेरिकी सरकारया छगू प्यानलं सिफारिस याःगु दु । अमेरिकी सरकारया प्यानलं न्यादँनिसें झिंछदँ दुपिं मस्तय्त खोप बिइत मतदान याःगु खः । अमेरिकाया नियामक संस्था एफडीए (फुड एण्ड ड्रग एडमिनिस्टे«शन) या विज्ञतय्सं थ्व निर्णयया समर्थन याःगु दु । झिंनिदं च्वय्यापिं मस्तय्त थ्व खोप बिइधुंकूगु दु ।

अमेरिकाया सेन्टर फर डिजिज कन्ट्रोल एण्ड प्रिभेन्सनया अनुमति लिपा थ्व खोप मस्ततय्त बिइगु जुइ । अमेरिकाया सञ्चार माध्यमयाकथं आः वइगु नोभेम्बर २ तारिखय् थ्व अनुमति वइ । खोप बिइगु अनुमति वःगुयां कन्हय् कुन्हुनिसें खोप बिइगु जुइ । थ्व अनुमति लिपा अमेरिकाय् च्वपिं निगू करोड २० लाख मस्तय्त फाइदा जुइ । एफडीएया विज्ञतय् धापूकथं थ्व खोप कायेबलय् स्वास्थ्यय् बांलाःगु असर लाइ ।

थ्व खोप मस्ततय्त बिइबलय् तःधिकःपिंत सिबें एक तिहाइ मात्रा कम बिइसा नियामकतय्सं खोप कायेधुंकूपिं मस्तय् नुगःचु हिइसे च्वनीगु सम्भावना गुलि तक दइ धकाः स्वइ । फाइजर खोप काःपि छुं छुं मनूतय्त थ्व समस्या खनेदुगु खः । अमेरिकाया मेडिकल अधिकारीतय्सं मस्तय्त छगू मात्रा जक खोप बिइत सुझाव बिउगु दु ।