राजदूतया भिन्तुना

येँ – नेपाःया नितिं अमेरिकी राजदूत ¥याण्डी बेरीं मोहनि नखःया लसताय् भिन्तुना बिया–दीगु दु । सामाजिक सञ्जाल ट्वीटरय् थःगु किपाः सार्वजनिक यासें वय्कलं च्वयादीगु दु, ‘मोहनिया धुमधामया दथुइ जिं सहकर्मीपिं व वय्कःपिनिगु छेँजःपिंत सःता लिसे जिमिसं तसकं न्ह्यइपुका, छिकपिं सकसितं मोहनि नखःया भिन्तुना ।’

उकथं हे वय्कलं भुतिमाली ब्वयेकाच्वंगु थःगु किपाः नं सार्वजनिक यानादीगु दु । उकथं हे नेपाःया नितिं चिनियाँ राजदूत होउ यान्छीं नं मोहनिया छगू सन्देश पिथंसें मोहनि नखःया भिन्तुना बियादीगु दु ।