जगतसुन्दरया ब्वँमिपिंत राहत

येँ- जगतसुन्दर ब्वनेकुथिया किन्डरगार्टेनया ब्वँमिपिंत राहत इनेज्या याःगु दु । स्वराज फाउण्डेसनया ग्वसालय् उगु राहत इनेज्या याःगु खः ।
फाउण्डेसनया ग्वसालय् एक्सन वेइनर प्रिन्ट व किन्डर लाइफया ग्वाहालिं ब्वनेकुथिया किन्डरगार्टेनया ब्वँमिपिंत राहत इनेज्या
याःगु खः ।

ब्वनेकुथिया संस्थापक नापं दांभरिं अनाररत्न वज्राचार्यया सभापतित्वय् जूगु ज्याझ्वलय् प्रिन्सिपल सुनिता मानन्धरं लसकुस यानादीगु खःसा फाउण्डेसनया नायः विजयसागर प्रधानं ब्वँमि मस्तय्त राहत इनादीगु खः।

ज्याझ्वलय् नवासें नायः प्रधानं ब्वनेकुथियात माःगु इलय् माःकथं निरन्तर ग्वाहालि याना वनेगु प्रतिवद्धता प्वंकादीगु खःसा साउथ वेस्टर्न कलेजया संस्थापक मय्जु सरिता शाक्यं मस्तय्त मचांनिसें बांलाःगु संस्कार स्यना वनेमाःगु खँय् बः बियादिसें उकिया निंतिं ब्वनेकुथिं जक मखु छेँजःपिंसं नं ग्वाहालि यायेमाः धयादिल । ब्वनेकुथिया संस्थापक विष्णु चित्रकारं सुभाय् देछानादीगु खः ।

सम्बन्धित बुखँ

LEAVE YOUR COMMENTS