नासः भजन खलःया पितृ स्मृति वार्षिक भजन ज्याझ्वः

येँ – नासः भजन खलःया ग्वसालय् स्मृति सभालिसें भजन ज्याझ्वः जुल । थनया असं कमलाछि त्वालय् च्वंगु भजन खलःया ग्वसालय् १७ क्वःगु स्व. दिनेशभक्त प्रधाना· तथा दिवगत पितृ भजन स्मृति कोषया वार्षिक स्मृति व भजन ज्याझ्वः जूगु खः ।

भजन खलःया नायः द्वारिकाप्रसाद श्रेष्ठया सभापतित्वय् जूगु ज्याझ्वलय् सचिव राधाकृष्ण नकःमिं लसकुस यानादीगु खः । खलःया अध्यक्ष श्रेष्ठं २०५८ सालय् स्व. दिनेशभक्त प्रधाना·या नामं स्थापना जुयाः उगु हे दँनिसें स्मृति सभा व वार्षिक भजन ज्याझ्वः याना वयाच्वंगु जानकारी बियादीगु खः । लिसें थगुने कोरोनाया कारणं न्ह्याके मफुगु ज्याझ्वः थुुगसीनिसें स्मृति कोषय् दिवंगत जुयादीपिं भजनप्रेमीया नामं वया छेँजःपिंसं यानादीगु आर्थिक ग्वाहालिया कारणं थुगुसी उगु ज्याझ्वःयात न्ह्याकागु वय्कलं कनादिल ।

भजन खलकं बिउगु जानकारीकथं थुगुसी १७ क्वःगु स्मृतिसभानिसें दिवंगत जुयादीपिं भजनप्रेमीपिं अन·भक्त प्रधाना·, प्रेमनारायण मानन्धर, रामदेवी श्रेष्ठ, कमलादेवी श्रेष्ठ, गंगादेवी वैद्य, मंगलदास श्रेष्ठ, सानुरत्न तुलाधर, ध्रुवनारायण मानन्धरसहित च्याम्हेसिया नां स्मृति कोषय् दुथ्याकाः स्व. दिनेशभक्त प्रधाना· तथा दिवंगत पितृ भजन स्मृति गुथि कोषया नामं उगु ज्याझ्वः याःगु खः । ज्याझ्वलय् कोषाध्यक्ष प्रदीपकुमार जोन्छें सुभाय् देछानादीगु खः ।