शनिवाः निसें एभरेष्ट प्रिमियर लिग

एजेन्सी- शनिवाः निसें एभरेष्ट प्रिमियर लिगया प्यंगूूगु संस्करण शुरु जुइ । राउण्ड रोबिन व नकआउटया आधारय् जुइगु थ्व लिग नेपाःया न्हापांगु दकलय् तःधंगु क्रिकेट लिग खः । एभरेष्ट प्रिमियर लिग असोज ९ गते निसें २३ गते तक जुइ । आइसिसीं मान्यता बिउगुलिं थुगसी निसें लिगय् विदेशी कासामितय्सं नं ब्वति काइगु जूगु दु । निदँ न्ह्यः जुइमाःगु थ्व लिग कोरोनाया कारणं स्थगित जुयाच्वंगु खः ।
एभरेष्ट प्रिमियर लिगय् खुगू टिमं धेंधेंबल्लाः याइ । लिगय् काठमाडौ किङ्गस,ललितपुर प्याट्रिओट्स, विराटनगर वारियर्स, पोखरा राइनोज, चितवन टाइर्गस व भैरहवा ग्लाडियटर्सया दथुइ धेंधेंबल्लाः जुइ ।
थुगुसीया लिगय् पाकिस्तान, सिंगापुर, जिम्बावे, अफगानिस्तान, श्रीलंका, भुटान, दक्षिण अफ्रिका, वेस्ट इण्डिज, क्यानाडायापिं कासामितय्सं ब्वति काःगु दु । लिगया न्हपांगु कासा शनिवाः १२ः१५ ता इलय् काठमाडौं किङ्गस व ललितपुर प्याट्रिओट्सया दथुइ किपूया टियु मैदानय् जुइ ।

सम्बन्धित बुखँ

LEAVE YOUR COMMENTS