नेपाःया एकदिवसीय वरियताय् सुधार, अमेरिकायात न्यागू विकेटं बुकल

एजेन्सी- आइसिसि एकदिवसीय वरियताय् नेपालं छगू स्थान सुधार याःगु दु । आइसिसिं पिकाःगु न्हूगु वरियताय् नेपाल छगू स्थानया सुधार यासें १५ औं स्थानय् थहां वःगु दु । आइसिसि विश्वकप क्रिकेट लिग–२ अन्तर्गत ओमानय् म्हिताच्वंगु मैत्रीपूर्ण कासाय् नेपाल पपुवा न्यूगिनीयात निगू व त्रिकाृेणात्मक सिरिजया न्हापांगु कासाय् अमेरिकायात बुकेवं नेपाःया वरियता सुधार जूगु खः ।

एसोसियट राष्ट्रय् नेपालं सिबें न्ह्यःने स्कटल्याण्ड व नेदरल्याण्ड दु । एकदिवसीय वरियताय् न्यूजिल्याण्ड शीर्ष थासय् दु ।

नेपालं ओमानय् जूगु न्हापांगु मैत्रीपूर्ण कासाय् पपुवा न्यूगिनीयात निगू विकेट व निगूगु कासाय् १५१ रनं बूकुगु खः । अथे हे आइसीसी विश्वकप क्रिकेट लिग–२ अन्तर्गत सोमवाः सनिलय् जूगु कासाय् नेपालं अमेरिकायात न्यागू विकेटं बुकूगु खः । कासाय् अमेरिकां बिउगु २३१ रनया लक्ष्य नेपालं ४९ ओभरय् न्यागू विकेटया क्षतिइ पूवंकूगु खः । नेपाःया निंतिं कुशल भुर्तेलं ८४ रन व रोहित कुमारं ६२ रन दयेकूगु खः । अथे हे नेपाःया निंतिं सन्दीप लामिछाने, बिक्रम सोब व सुशन भारीं निगू निगू विकेट काःगु खः । अमेरिकाया निंतिं मोनान्क पटेलं शतक दयेकूगु खः ।

सम्बन्धित बुखँ

LEAVE YOUR COMMENTS