फुटसल संचालन यायेगु निर्णय

येँ (नेपालभाषा टाइम्स) – सरकारं होटल, रष्टुरेन्ट, सार्वजनिक यातायात खुल्ला याःसां पुचः पुचः मुनाः म्हितीगु कासा, धार्मिक सभा, समारोह गोष्ठि, सेमीनार, लसता भ्वय् न्यायेकेगुलिइ तयातःगु प्रतिबन्ध धाःसा चिइकूगु मदुनि। थज्याःगु अवस्थाय् थःपिनिगु व्यवसाय मारय् लाःगु धासें पुचः पुचः मुनाः म्हितीगु फुटसल संचालनय् हःगु दु। कोरोना भाइरस संक्रमणया कारणं वंगु चैत ११ गतेनिसें तःगु लकडाउनं बन्द जुयाच्वंगु फुटसल वंगु वालंनिसें संचालनय् वःगु दु ।

फुटसल व्यवसायीतय् मंकाः संगठन नेपाल फुटसल संघं छगू विज्ञप्ती जारी यासें थःपिनिगु व्यवसाय मारय् लाःगुलिं थनिंनिसें हे फुटसल संचालन यायेगु निर्णय यानागु खँ न्ह्यथंगु दु। संघया अध्यक्ष राज महर्जनं जारी यानादीगु विज्ञप्तीइ सरकारं होटल, रष्टुरेन्ट, सार्वजनिक यातायात थेंज्याःगु हुलमुल जुइगु मेमेगु क्षेत्र चायेकूसां पुचः मुनाः म्हितेगु कासा व थुकथंया गतिविधि यायेत अझ रोके यानातःगुलिं संघया ध्यानाकर्षण जूगु खँ धाःगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु