दकलय् अप्वः अन्तर्राष्ट्रिय गोलया कीर्तिमान रोनाल्डोया नामय्

एजेन्सी- पोर्चुगलया स्टार कासामि क्रिस्टियानो रोनाल्डों अन्तर्राष्ट्रिय फुटबलय् दकलय् अप्वः गोल याःगु कीर्तिमान दयेकूगु दु । इरानया अली दाइं अन्तर्राष्ट्रिय फुटबलय् १०९ गोल यानाः दयेकातःगु कीर्तिमान त्वाःथलाः रोनाल्डाें न्हूगु कीर्तिमान दयेकूगु खः । थ्व सिजनय् इटालियन क्लब युभेन्ट्सं थःगु पुलांगु क्लब म्यानचेस्टर युनाइटेडय् लिहां वंम्ह रोनाल्डाें विश्वकप छनोट कासाय् आयरल्याण्ड विरुद्ध निगू गोल यानाः न्हूगु कीर्तिमान दयेकूगु खः । आः रोनाल्डों अन्तर्राष्ट्रिय फुटबलय् याःगु गोलया ल्याः १११ थ्यंगु दु ।

कासा लिपा रोनाल्डों थःम्हं कीर्तिमान त्वाःथलागुलिं जक मखु, विशेष स्थितिइ गोल यायेफुगुलिं लय्ताया धाःगु खः । ‘अन्तिम इलय् टिमया निंतिं निगू गोल याये खन, टिमयात सुभाय्, जि कृतज्ञ जुयाः’ रोनाल्डाें धाःगु दु ।